fbpx

فن الروقان في النوبة من 17 إلى 20 مارس

0
Price
From5,450 LE
Price
From5,450 LE
Booking Form
Enquiry Form
Full Name*
Email Address*
Your Enquiry*
* I agree with Terms of Service and Privacy Statement.
Please agree to all the terms and conditions before proceeding to the next step
The tour is not available yet.

Proceed Booking

Save To Wish List

Adding item to wishlist requires an account

2467
4 Days / 3 Nights
Aswan
Max People : 20

فن الروقان في النوبة

من 17 إلى 20 مارس
  • اربعة أيام / ثلاثة ليالي
  • من 17 إلى 20 مارس
  • مدينة أسوان
هل فعلا في حاجة أسمها روقان بال وسط الصخب و الضغوط اليومية سواء في الشغل أو في البيت؟!

أعتقد أن روقان البال إحتياج بشري طبيعي، أي إنسان نفسه بل ومن حقه يحس بروقان بال، بس الحقيقة كل واحد له معاني مختلفة لروقان البال.

– في ناس معنى روقان البال عندها متمحور حوالين الفلوس و الإحتياج المادي بشكل عام، تسديد ديون، مصاريف أساسية، تعليم، إلى آخره.

– وفي ناس روقان البال عندها متمحور حوالين إن الشغل و المسؤوليات تخف من عليهم، مش كل شوية حد يطلب منهم حاجة، مش كل شوية يشيلوا شيلة مش بتاعتهم.

– وفي ناس روقان البال عندها متمحور حوالين، القبول، إنه يبقى مقبول وسط الناس، يحس أنه عارف يعيش طبيعي، مش محتاج يرضي حد!!

و الحقيقة المعاني عند كل واحد فينا متغيرة وبتفرق من شغل للتاني.

يعني في ناس تانية يقولك روقان البال ده أني ما تعصبش و ما اشغلش بالي بكل صغيرة وكبيرة وما اقعدش أفكر كتير كل شوية في كل حاجة ممكن تحصل غلط، لو قعدنا من هنا للسنة الجاية ندور على معنى واحد لروقان البال عن البشر هيكون صعب.

بس خليني أقولك من خبرتي في الحياة اللي أختبرت فيها حاجات كتير أوي منها الحلو ومنها المرمطة بجد، و من خلال دراستي للكوتشنج و علم النفس قدرت أوصل لمعنى عام نقدر نحط تحته معظم المعاني اللي أنت عاوزها.

ليه أشارك في تجربة فن الروقان؟!

الروقان فن ليه مهارات بتكتسب مش مجرد حال بتدخل فيه وخلال التجربة هتقدر تدرك وتشوف

– معني روقان البال بنسبالك إيه.
– هتدرك إزاي بتتعامل وسط الضغط وتقييم ردود فعلك.
– هتتدرب علي روتين يومي داخل التجربة عشان تقدر تنفذه في حياتك اليومية.
– هتتعلم مهارات عملية في إزاي تاخد القرارات المهمة والمصيرية في حياتك.
– هتتعلم إزاي تتعامل لما يكون في مشاكل علاقاتك أو شغلك وضغطها بشكل هادي.
– هتكتسب مهارات في التفكير مهمة للتعامل مع المجهول والمتغيرات المختلفة.
– هتدرك يعني ضغط نفسي وأنواعه وأسبابه، والأستراتيجيات المختلفة اللي بتعملها عشان تتكيف معاها، وبالتالي تقدر تقيمها.
– هتكتسب إسترايجيات عملية وبسيطة تقدر منها تقدر من خلالها تتعامل مع الضغط بشكل صحي.
– هتكتسب مهارات البساطة من خلال التفاعل مع الطبيعة لإكسابك القدرة علي التركيز والعودة إلي الإبداع.

إزاي ده هيحصل في تجربة فن الروقان؟!

التجربة فن الروقان مش مجرد ثلاث أيام، هي تجربة مصممة علي مرحلتين أساسيتين عشان نوفر لك مساحة تقدر من خلالها تتعلم مهارات عملية متجربة هتتمرن عليها هناك، وتقدر تتطبقها في حياتك اليومية لما ترجع وتلتحم مع الحياة وضغوطاتها وهما:

١- مرحلة التهيئة ما قبل السفر
• عن طريق إجتماع لمدة ثلاث ساعات مع مصطفي محمد وهو كوتش متخصص في فن روقان البال وصاحب كتاب عن البيزنس والروقان.

٢- مرحلة السفر:
• وديه اللي هنمارس فيها أنشطة المصممة بشكل تفاعلي هنستغل فيها طبيعة النوبة الخلابة بكل تفاصيلها وجمالها عشان نقدر نتعلم فن ومهارات الروقان بشكل عملي وترفيهه في نفس الوقت.
• سيشنز تفاعلية أخر كل يوم مع مصطفي محمد هيشارك فيها المجموعة أفكارهم وخواطرهم عن اللي حصل خلال اليوم في الأنشطة وتجربتهم
• ميتينج يومي مع مصطفي محمد وكلام عن فن الروقان وخبرته اللي هينقلها في مواضيع مهمة عشان تساعدك في:

– التعامل مع المثالية، اللي بيوقف خطوات كتير ممكن تتاخد في الشغل أو في العلاقات
– التعامل مع التفكير الزائد، وطرق عملية عن كيفية التعامل معاه لتحسين حالة المزاج والنوم
– أنك تعبر عن نفسك وسط الناس وتوصل وجهة نظرك وقت الخلاف.
– التعامل مع التشتت، عشان تقدر تاخد قرارات بسيطة و محددة بدون ضغط من اللي حواليك.
– كيفية التعامل مع الإرهاق الجسدي الناتج عن الضغط، ووضع روتين يومي للتعامل معاها

تصميم التجربة وتفاصيلها من خلال حسين عقل مؤسس ساتوري وهي أول مصمم لتجارب ذات أبعاد نفسية في الطبيعة، واللي هيقوم بتنظيمها أحمد سليمان وهو من المتخصصين في تصميم رحلات في الأماكن الطبيعية.

** مهم جداً تعرفوا إن الأنشطة اليومية هتعرفوها يوم بيومه داخل التجربة.

التكلفة

الدفع بمبلغ الرحلة كاملا بحد أقصى يوم الإثنين 1 مارس

  • 5123 LEللفرد في المجموعة ( بحد ادنى ٣ افراد بشرط ان يتم الدفع في نفس الوقت)
  • 5450 LEللفرد في غرفة ثنائية أو ثلاثية بحمام خاص

تكلفة إلغاء الاشتراك في التجربة هتطبق كالآتي

  • 50% لو تم إلغاء الاشتراك بعد يوم 1 مارس يخصم
  • 100% لو تم إلغاء الاشتراك يوم 14 مارس أو بعده يخصم

السعر غير شامل

  • السعر لا يشمل تكلفة الانتقال من القاهرة الى اسوان و العودة

السعر شامل

  • إجتماع تحضيري لمدة ثلاث ساعات للمجموعة المختارة قبل السفر مع مصطفي محمد وحسين عقل وأحمد سليمان
  • جميع الأنشطة المصممة خصيصًا للتجربة
  • جميع الأدوات المصممة لتيسير التجربة
  • الإنتقالات الداخلية في أسوان
  • الإقامة في هيسا كامب في قبب (غرف) ثلاثية أو ثنائية
  • فطار و عشاء أول ثلاثة أيام
  • فطار رابع يوم
  • المشروبات الساخنة و المياه
  • تذاكر دخول المزارات
  • رحلة الكيايك
  • الإنتقالات النيلية
  • الإسعافات الأولية
  • إدارة الأمن و السلامة
صور من كامب هيسا و تجربة فن الروقان اللي فاتت
المكان

أسئلة متكررة

ازاي نقدر نوصل لأسوان؟

1- قطر درجة أولي أو تانية / Vip درجة اولي او تانية (14 ساعة تقريبا)
https://enr.gov.eg/
2- قطر النوم (14 ساعة تقريبا)
http://www.wataniasleepingtrains.com/
3- طيران مباشر من القاهرة لأسوان (1 ساعة)
https://eg.flyin.com/
 

انا لوحدي هل ينفع اسافر معاكم؟

طبعا, و بمجرد ما توصل او توصلي جزيرة هيسا هاتلاقي نفسك مش لوحك

هل فيه غرف فردية؟

الغرف الفردية بتكون بحمام خارج الغرفة.