fbpx

رحلتنا للنوبة (الرحلة الرابعة – من 24 إلى 27 فبراير)

0
Price
From3,200 LE
Price
From3,200 LE
Booking Form
Enquiry Form
Full Name*
Email Address*
Your Enquiry*
* I agree with Terms of Service and Privacy Statement.
Please agree to all the terms and conditions before proceeding to the next step
The tour is not available yet.

Proceed Booking

Save To Wish List

Adding item to wishlist requires an account

7833
4 Days / 3 Nights
Aswan
Min Age : 4+
Max People : 40

رحلتنا للنوبة

الرحلة الرابعة من 24 إلى 27 فبراير
  • اربعة أيام / ثلاثة ليالي
  • من 24 إلى 27 فبراير
  • مدينة أسوان
ايه اللي بيخليك تختار تطلع رحلتنا للنوبة؟

لو في دماغك انك تستكشف الطبيعة بشكل مختلف و تتواصل مع نفسك, و في نفسك الوقت تاخد خدمة مميزة يبقى هاتتبسط معانا

رحلاتنا ليها طابع مميز، مش هنتكلم على الخدمة و الأمان و نضافة المكان و الصحبة لأن دي مفروغ منها.

اللي بيميز رحلاتنا هو انك هاتعيش خليط حلو من الحركة والسكون و الونس والهدوء و البساطة والرفاهية, لأنها المعنى الحرفي للسلام النفسي و كفيلة تغير رؤيتك لنفسك و حياتك و الناس الى محيطه بيك عشان كل واحد باختلاف طبيعته بيلاقي اللي يبسطه مع صحبة طيبة جميلة, و مش بس كده, انت كمان لو عندك أطفال هايتبسطوا فيها جدا, و هاترجعوا كلكم بذكريات مبهجة تفضل معاكم.

في مزيج من الطبيعة النيلية في أسوان و تحديدا جزيرة هيسا و اللي هايكون فيها اقامتنا, هاتكون رحلتنا للنوبة..

الرحلة دي مناسبة لأي حد حابب يستكشف النوبة و الطبيعة النيلية فيها, أو يستجم, على مدار اربعة أيام مع نفسه أو صحابه أو عيلته, و هاتكون فيهم اقامتنا على النيل مباشرة, في جزيرة هيسا, و هي جزير في النيل بين خزان أسوان و السد العالي, بيميزها انها مازالت محتفظة بطابعها النوبي الأصيل وسكانها الطيبين, و كمان اطلالتها على النيل من كل جانب.

هانروح فين في النوبة؟

  • جزيرة هيسا
  • مشاهدة الطيور المهاجرة
  • معبد فيلة
  • متحف النوبة (يعتبر افضل متحف حقيقي في مصر)
  • زيارة غرب سهيل
  • رحلة بالكياك في النيل
  • التحرك بمراكب في النيل
  • السوق
  • متحف أنيميليا (و هو متحف معمول بجهود ذاتية و فيه هانتعرف على الثقافة النوبية بشكل أعمق)
  • زيارة جزيرة الفنتين
  • زيارة قبة الهواء و مقابر النبلاء
  • جزيرة معبد فيلة القديمة
  • السباحة من على شواطئ النيل

التكلفة

  • 3400 LEللفرد في غرفة ثنائية أو ثلاثية بحمام خاص
  • 3200 LEللفرد في غرفة ثنائية أو ثلاثية بحمام خارج الغرفة
  • 2300 LEللطفل من عمر 6 سنوات لسن 12 سنة في غرفة ثنائية أو ثلاثية بحمام خاص
  • 2200 LEللطفل من عمر 6 سنوات لسن 12 سنة في غرفة ثنائية أو ثلاثية بحمام خارج الغرفة
  • مجانا للطفل تحت سن 6 سنوات

الدفع بمبلغ الرحلة كاملا بحد أقصى يوم الأحد 8 فبراير

تكلفة إلغاء الاشتراك في التجربة هتطبق كالآتي

  • 50% لو تم إلغاء الاشتراك بعد يوم 8 فبراير يخصم
  • 100% لو تم إلغاء الاشتراك يوم 21 فبراير أو بعده يخصم

السعر غير شامل

  • السعر لا يشمل تكلفة الانتقال من القاهرة الى اسوان و العودة

السعر شامل

  • الانتقالات الداخلية في أسوان
  • الاقامة في هيسا كامب في قبب (غرف) ثلاثية أو ثنائية
  • فطار و عشاء أول ثلاثة أيام
  • فطار رابع يوم
  • المشروبات الساخنة و المياه
  • تذاكر دخول المزارات
  • رحلة الكيايك
  • الإنتقالات النيلية
برنامج الرحلة

اليوم الأول (استرخاء) الأربعاء 24 فبراير

  • الوصول لمحطة أسوان الساعة السابعة صباحاً ان شاء الله, و ركوب المايكروباص اللي هايوصلنا لمرسى جزيرة هيسا و منه بناخد مركب في النيل للجزيرة.
  • نوصل “هيسا كامب” وهو كامب مبني على تبّه عالية و كل غرفة تقريبا مطلة على النيل, نفطر و نستلم الغرف و هايكون في وقت نرتاح من رحلة القطر, بعد كده نتجمع عشان نعمل جولة في الجزيرة و نتعرف عليها أكتر بالذات ان هاتكون فيها اقامتنا خلال الرحلة.
  • وأثناء جولتنا هانقعد في احدى أماكن الجزيرة المبهرة و اللي فيها هانستمتع بمنظر الغروب مع انعكاسه على النيل.
  • بعد كده نرجع الكامب عشان نتعشى.
  • بعد العشاء نقعد مع بعض حوالين النار و نستمتع بوجودنا قدام النيل.

اليوم الثاني (البر الغربي) الخميس 25 فبراير

  • نصحى براحتنا بس مش براحتنا قوي يعني 😛
  • نفطر, و بعد الفطار ناخد المركب اللي هاتخرجنا من الجزيرة عشان نركب العربيات اللي هاتودينا لمتحف النوبة.
  • بعد كده نزور متحف النوبة, و اللي فيه هانتعرف بشكل تاريخي عملي عن حضارة النوبة و تطورها إلى وقتنا الحالي.
  • وبعده ناخد المركب و نروح للبر الغربي و اللي فيه هانزور قبة ابو الهوا و هي أعلى نقطة في أسوان, و نزور مقابر النبلاء اللي محفورة في الجبل, و اللي حابب يزور جزيرة النباتات بدل قبة الهوا ممكن.
  • بعد كه ناخد المركب لجزيرة الفنتين و هانزور متحف أنيميليا اللي هانسمع من صاحبه اكتر عن تاريخ النوبة.
  • بعد كده المركب هاتاخدنا من هناك لقرية غرب سهيل الشهيرة و اللي حابب يتسوق فيها هايتبسط جدا.
  • بعد كده نركب العربيات اللي هاتودينا مرسى جزيرة هيسا و منه نروح الجزيرة نتعشى بقى عشان اكيد جوعنا.

اليوم الثالث (لعب نيلي) الجمعة 26 فبراير

  • نصحى بدري ناخد الفطار النوبي المعتبر, و نركب المركب عشان نزور معبد فيلة, و منه نزور جزيرة معبد فيلة القديمة و اللي كان عليها المعبد قبل ما يغرق و ينقلوه لمكانه الحالي.
  • و نتعرف في جولتنا النيلية على الطيور المهاجرة في الوقت ده من السنة.
  • بعد كده نرجع جزيرة هيسا و ناخد مراكب الكياك و نقدف في رحلة نيلية كل حد فيها هو اللي هايقود كياكه, و طبعا بيكون معانا جايد خلال الرحلة دي و كمان مركب عادية للي مش هايشترك في الكياك.
  • بعد كده نوصل بالكياك لشاطئ أمام جزيرة هيسا, و هو من أروع الشواطئ النيلية, و اللي حابب ينزل ياخد غطس نيلي يبقى جامد, و اللي يحب يقعد على الشط و يستجم يبقى جامد برضو.
  • و على الشاطئ هايكون فيه مشروبات خفيفة أو القهوة النوبي “الجبنة” والفاكهة.
  • بعد كده نرجع لجزيرة هيسا, و نروح الكامب بتاعنا و نتعشى و ندبها بقى
  • بعد العشاء نقعد حوالين النار نشارك احاسيسنا و أفكارنا عن الأيام اللي فاتت.

اليوم الرابع (راجعين يا نوبة تاني) السبت 27 فبراير

  • نصحى نفطر و نلم حاجتنا و نودع الجزيرة, و نخرج منها بذكرى و روح طيبة.
  • نركب العربيات اللي هاتودينا أسوان و قبل ميعاد القطار هاتكون عندنا فرصة كويسة أننا نشتري اللي هدايا أو اللي محتاجينه من السوق.
  • بعد كده نتحرك للقطر و نبدأ رحلة رجوعنا للقاهرة بالسلامة ان شاء الله.
صور من كامب هيسا و رحلاتنا اللي فاتت

تقييمات من رحلات النوبة اللي فاتت

  • التوليفة المظبوطة
    عارف لما يبقى نفسك في كباية قهوة بتوليفة مظبوطة تعيش معاها مود من الروقان والانبساط والفصلان بكل بساطة اهي الرحلة دي عاملة زي التوليفة المظبوطة اللي بتعيش فيها الفصلان والروقان والراحه والهدوء والمغامرة في نفس الوقت مع ناس حلوين وشبهك هي توليفة مظبوطة من حبة حاجات فوق بعض كدة بتخليك تتبسط من قلبك بشكل حقيقي وبسيط 🙂 رحلة النوبة هي التوليفة المظبوطة لروقان البال 🌿💚 طلعتها مرتين وكل مرة التوليفة بتبقى مختلفة عن اللي قبلها لكن مفعولها ثابت 😆 وشكلي مش هشبع منها وهكررها
    لمياء الخطيب
  • الرحله دى كانت سبب فى تغيرات جذرية فى حياتى بطريقه مش طبيعيه ، غيرتنى ١٨٠ درجه على الصعيد العملى و النفسى و الفكرى حتى الصحى ، غيرت رؤيتى لنفسى و حياتى و الناس الى محيطه بيا ، الرحله دى كانت من احسن الحجات اللى حصلتلي فى حياتى و طريقه التنظيم و الناس اللى طلعوا معايا لو انا كنت خططت انها تبقى بالظبطه او تبقى ملائمه ليا بالمنظر دا عمرى ما كنت هقدر اظبطها بالشكل دا ، سليمان افضل شخص بيفصل رحله على حد من غير ما يعرفه حتى

    نرمين أبو زيد
  • النوبة وكامب هيسا من الاماكن اللي فعلا لها خصائص السكينة والروقان والونس مع اهل البلد برنامج الرحلة متزن ومتقسم حلو اوى وحتى لو حبيت تفضل في الجزيرة هتتبسط اوى . بترجع عندك مساحة جواك وبراح. احمد سليمان عندو موهبة يجمع الناس كبار وصغيرين وكلهم يحسو بالترحاب والراحة بدون تكلف عشةن كده الكبار في السن والاطفال مش بيحسو بمشكله خالص ودى حاجه بتخلينا كلنا متطمنين وعارفين نتبسط

    إيناس الخطيب
  • ده اول رحله اطلعها اطلع فيها الطفل الي جوايا واشوف جزء مني مكنتش شايفاه قبل كده
    عرفت اني ممكن اتبسط اوي في البيئه الطبيعيه واشوف نفسي فيها
    اجرب حاجه مختلفه واشوف اماكن مختلفه
    متعه ورقان ومغامره ومرح
    عيله ودفا
    رانيا محمد
  • كنت مبسوطة جدا من الصحبة ومن ان ماما كانت معايا وانبسطت قوي وكأنها طفلة… اتبسطت قوي بوجودها معايا …كمان فرقت معايا الطبيعة ومنظر النيل الرائع من الكامب نفسي تتكرر تاني قريبا ان شاء الله

    أزهار الصغير
  • الرحلة دي فيها خليط حلو من الحركة والسكون .. الونس والهدوء … البساطة والرفاهية .. الدفا والبرد
    وتحس فيها activities كتير وفي نفس الوقت مش فرهدة
    ال activities كمان مختلفة يعني بنتمشى على جزيرة ونركب مراكب في النيل ونزور متاحف ومعبد ونعمل hiking لقبة الهوا او نتمشى في جزيرة النباتات وسط النيل
    وهناك من اجمل الأماكن اللي تشوف فيها شروق الشمس وتستمتع بالدفا وشروق القمر وتستمتع بنورة اللي بينور النيل وبيملأ المكان نور وونس وخصوصا لو كان بدر
    الرحلة دي حلوة قوي بصراحة .. ومريحة ومسلية
    إيثار محمد
  • الرحله دي المعني الحرفي للسلام للنفسي..
    الطبيعه والهدوء والدفا ..😇
    كفايه ان اكتر دوشه ممكن نسمعها هي صوت المركب االي بتتحرك ف النيل او صوت الطيور .❤️❤️
    إيمان مجدي
  • أنا طلعت الرحلة دي مرتين معاك .. كان معايا والدي وأولادي الكبار وبناتي الصغيرين رغم اختلاف السن كلهم اتبسطوا الحمد لله جدا .. الأطفال بيلعبوا طول اليوم ونزلوا المياة 👏 الكبار اتبسطوا بالكياك وبالمزارات وقعدات السمر والنار بليل وشوي المارشميلو .. رحلة استكشاف الطيور ومناظر الجزر البكر كانت حاجة كدة من الجنة 💓💓 .. ده غير الهدوء والسكينة ومنظر النيل من الحجرة .. هي رحلة لكل الأعمار وفيها تنوع رائع اللي محتاج راحة وهدوء يلاقي اللي عايز تنطيط وفرهدة يلاقي اللي عايزة حاجة علشان اولاده صغيرين موجود كله كله ..💓💓

    رانيا حسن
  • بالنسبه ليا ولولادي الرحله دي اول رحله تجمع بينا ونبقى مع بعض ومبسوطين وبنتحرك مع بعض المناظر الطبيعيه مبهرة النيل البط الخضرة الكياك الصحبه الشاي اللي على الفحم اللعب والضحك الاكل وطعامته وجماله كل التفاصيل الصغيرة قبل الكبيرة اكتر من رائعه
    الرحله دي اتحفرت في الذاكرة ذاكرة القلب والروح والجسد حب وراحه وانسجام وحركه ومجهود وجسمك يتنفس كده ويتحرك
    شكرا لكل حد كان معايا وبسطني انا والولاد ويا رب تتكرر تاني وتالت وعاشر 🤩🤩🤩
    نورا بدوي
  • أنا طلعت الرحلة دي السنة اللي فاتت ، وكانت محطة مهمة في حياتي ونفسيتي، كمية الهدوء النفسي اللي نزلت عليا هناك أكيد ما كانتش صدفة ،ومن أول ما وصلنا الكامب وأنا ببص على النيل والجبل والصحبة الطيبة لقيت آية “وكل شيء عنده بمقدار” بتردد في دماغي.
    الرحلة كانت منظمة جدا، وأحمد بيهتم بأي طلب أو ملاحظة، وبيعرف يبسط المشاركين وبيعمل روح حلوة بين الناس، بيجمع الناس ويقربهم من بعض مش عارفة إزاي. وفيها أنشطة مناسبة لكل الأعمار ، مافيش حد لقى نفسه لحظة زهقان.
    الكامب في منتهى الجمال والنظافة والأكل كان حلو جدا واللمة نفسها كانت حلوة على الترابيزات.
    إن شاء الله حاطلعها تاني أول ما تسمح الظروف 🤩😍
    أمل منسي
المكان

أسئلة متكررة

هل الرحلة دي مناسبة للأطفال؟

طبعا و بيتبسطوا فيها اكتر من الكبار كمان.

ازاي نقدر نوصل لأسوان؟

1- قطر درجة أولي أو تانية / Vip درجة اولي او تانية (14 ساعة تقريبا)
https://enr.gov.eg/
2- قطر النوم (14 ساعة تقريبا)
http://www.wataniasleepingtrains.com/
3- طيران مباشر من القاهرة لأسوان (1 ساعة)
https://eg.flyin.com/
 

انا لوحدي هل ينفع اسافر معاكم؟

طبعا, و بمجرد ما توصل او توصلي جزيرة هيسا هاتلاقي نفسك مش لوحك

هل فيه غرف فردية؟

الغرف الفردية بتكون بحمام خارج الغرفة.

6 travellers are considering this tour right now!